XITOY BILAN IQTISODIY HAMKORLIKNING “BIR MAKON, BIR YO‘L” DOIRASIDA O‘ZBEKISTON SANOAT SIYOSATINI DIVERSIFIKATSIYA QILISHDAGI O‘RNI

Abstract

Mazkur tadqiqot “Bir makon, bir yo‘l” tashabbusi doirasida Xitoy va O‘zbekiston o‘rtasidagi iqtisodiy hamkorlikning O‘zbekiston sanoat siyosatini diversifikatsiya qilishdagi o‘rnini tahlil etishga qaratilgan. Tadqiqotda sanoatning asosiy tarmoqlarida – energetika, transport-logistika, mashinasozlik va kimyo sanoati yo‘nalishlarida amalga oshirilayotgan qo‘shma loyihalar, texnologik transfer va investitsion oqimlar ta’siri o‘rganiladi. Shuningdek, “Bir makon, bir yo‘l” tashabbusining natijasida O‘zbekiston sanoatining eksport salohiyati, ishlab chiqarish klasterlari va innovatsion infratuzilmaning rivojlanish imkoniyatlari baholanadi. Tahlillar shuni ko‘rsatadiki, Xitoy bilan hamkorlik O‘zbekistonning sanoat siyosatini faqat geografik emas, balki texnologik va institutsional jihatdan ham diversifikatsiya qilishga xizmat qilmoqda. Shu asosda, “Bir makon, bir yo‘l” tashabbusidan samarali foydalanish uchun strategik rejalashtirish, milliy ishlab chiqaruvchilarni qo‘llab-quvvatlash va qo‘shma innovatsion platformalarni rivojlantirish zarurligi ta’kidlanadi.