TIKUVCHILIK TA’LIMI: NOGIRONLIGI BO‘LGAN SHAXSLARNI MEHNAT BOZORIGA TAYYORLASH VA JAMIYATGA INTEGRATSIYALASHNING BARQAROR MODELI

Abstract

Maqolada nogironligi bo‘lgan shaxslar uchun o‘rta maxsus kasb-hunar ta’limi tizimida tikuvchilik yo‘nalishining kasbiy tayyorgarlik, ijtimoiylashuv va mehnat bozoriga integratsiyadagi ahamiyati yoritilgan. Yengil sanoat sohasida mutaxassislarga bo‘lgan barqaror talab sharoitida tikuvchilik ta’limining dolzarbligi asoslab berilgan. Ta’lim jarayonida qo‘llaniladigan amaliyotga yo‘naltirilgan, bosqichma-bosqich va moslashtirilgan o‘qitish usullari tahlil qilingan. Tadqiqot natijalariga ko‘ra, tikuvchilik ta’limi o‘quvchilarda kasbiy mustaqillik, ijtimoiy faollik va mehnat faoliyatiga tayyorgarlikni shakllantirishga xizmat qiladi. Muallif texnikumlarda tikuvchilik yo‘nalishini rivojlantirish inklyuziv ta’limning samarali modeli ekanligini xulosa qiladi.