HAMID OLIMJON VA UNING XX ASR O‘ZBEK ADABIYOTI TARAQQIYOTIDA TUTGAN O‘RNI.

Abstract

Hamid Olimjon XX asr o‘zbek adabiyotining zabardast namoyandalaridan biri bo‘lib, hassos shoir, iste’dodli dramaturg, o‘tkir publitsist va adabiyotshunos sifatida mashhur. Hamid Olimjon 20-yillarda adabiyotimiz maydoniga Oybek, G‘. G‘ulom, Uyg‘un, A. Qahhor, K. Yashin, Mirtemir kabi noyob ijodkorlar bilan bir qatorda kirib keldi va ular bilan yelkama-yelka turib samarali ijod qildi. Shoir ijodida yangi o‘zbek adabiyotining ko‘pgina fazilatlari va muhim xususiyatlari o‘z aksini topgan. Ana shuning uchun ham yangi o‘zbek adabiyotini shoir ijodisiz tasavvur qilib bo‘lmaydi.