HAMID OLIMJON IJODINING MAVZU JIHATDAN RANG-BARANGLIGI

Abstract

Hamid Olimjon xalq og‘zaki ijodi zaminida voyaga yetdi. Shu sababdan bo‘lsa kerak, xalq og‘zaki ijodining ta’siri shoir she’rlarining faqat vazniga, ohanggigagina emas, balki ijodkorning qariyb barcha asarlarining ruhiga ham singib ketgan. Hamid Olimjon xalq og’zaki ijodidan asarlariga syujetlar tanladi, jozibali obrazlar kashf qildi. Eng muhimi, xalq og‘zaki ijodi ta’sirida u yaratgan obrazlar hayotning yangi jihatlarini aks ettirishga yo‘naltirildi. Ularda  zulm – zulmat, adolatsizlik qoralandi, erk va ozodlik g‘oyalari, uni qo‘lga kiritishda jonbozlik ko‘rsatgan xalq vakillari ulug‘landi. Shu yo‘l bilan Hamid Olimjon o‘z she’r va dostonlari orqali yangi tuzumni mustahkamlashga bevosita xizmat qildi.