ДЕЯТЕЛЬНОСТЬ ИНСПЕКТОРА ПРОФИЛАКТИКИ ПО ПРЕДОТВРАЩЕНИЮ КВАРТИРНЫХ КРАЖ

Abstract

Mazkur maqola kvartira o‘g‘riliklarini oldini olish borasida profilaktika inspektorining o‘rni va faoliyatini yoritadi. Jamiyatda jinoyatchilikka qarshi kurashish, fuqarolarning mol-mulkini himoya qilish ichki ishlar organlari zimmasiga yuklatilgan muhim vazifalardan biridir. Ayniqsa, profilaktika inspektorlari ushbu yo‘nalishda asosiy kuch sifatida xizmat qiladi. Kvartira o‘g‘riliklari – bu mulkka qarshi sodir etiladigan jinoyatlar turiga kiradi va ko‘p hollarda fuqarolarning xonadonlariga noqonuniy ravishda kirib, u yerdagi qimmatbaho buyumlar, pul va boshqa moddiy boyliklarni o‘g‘irlash bilan bog‘liq bo‘ladi. Bunday jinoyatlar odatda yashirin ravishda amalga oshiriladi, ularni aniqlash va oldini olish esa murakkab vazifa hisoblanadi. Ana shunday sharoitda profilaktika inspektorining faoliyati alohida ahamiyat kasb etadi. Profilaktika inspektorining asosiy vazifalaridan biri — jinoyat sodir bo‘lishining oldini olishdir. Bu maqsadda ular o‘z hududidagi fuqarolar bilan muntazam aloqada bo‘lib, xavfsizlik bo‘yicha tushuntirish ishlarini olib boradilar. Ular mahalla faollari, xonadon egalari va ko‘p qavatli uylar boshqaruvchilari bilan hamkorlikda kvartira o‘g‘riliklariga qarshi kurashish choralarini ishlab chiqadilar. Shuningdek, maqolada texnologik vositalar – videokuzatuv kameralarini o‘rnatish, signalizatsiya tizimlaridan foydalanish, qo‘riqlash xizmatlari bilan hamkorlik kabi zamonaviy xavfsizlik usullari haqida ham to‘xtalib o‘tiladi. Profilaktika inspektori bu vositalardan foydalanish bo‘yicha aholiga tavsiyalar beradi, shuningdek, xavfli hududlarni aniqlab, jinoyatchilikka moyil shaxslar ustidan nazorat olib boradi. Tahliliy qismda statistik ma’lumotlarga asoslanib, oxirgi yillarda kvartira o‘g‘riliklari sonining kamayishida profilaktik choralarning ijobiy ta’siri yoritiladi. Jumladan, muayyan hududlarda jinoyatchilik darajasining pasayishi, aholining huquqiy ongi oshishi, fuqarolarning xavfsizlikka bo‘lgan yondashuvi ijobiy tomonga o‘zgarayotgani qayd etiladi. Xulosa qismida esa, kelgusida ushbu yo‘nalishda olib boriladigan ishlar, xususan, profilaktika inspektorlarining malakasini oshirish, aholining huquqiy madaniyatini yuksaltirish, mahalla va jamoatchilik bilan hamkorlikni kuchaytirish kabi masalalarga e’tibor qaratiladi.