BOLALARDA ICHAK MIKROBIOTASINING IMMUNITET SHAKLLANISHIDAGI O‘RNI

Abstract

Dolzarbligi. So‘nggi yillarda inson salomatligi bilan bog‘liq ko‘plab kasalliklarning rivojlanishida ichak mikrobiotasi muhim omil sifatida qaralmoqda.

Ichak mikrobiotasi inson tanasidagi eng murakkab va ko‘p turlikdagi biologik tizimlardan biridir. Uning umumiy massasi 1-2 kg gacha yetadi va millionlab mikroorganizmlar turini o‘z ichiga oladi. Mikrobiota ovqat hazm qilish jarayonida ishtirok etadi, vitaminlar sintezini ta’minlaydi, zararli mikroblarning ko‘payishiga to‘sqinlik qiladi hamda immun tizimini rag‘batlantiradi. Ayniqsa, erta yoshdagi bolalarda mikrobiota immunitet shakllanishida asosiy rol o‘ynaydi.