OIV BILAN INFEKSIYALANGAN ERKAK VA AYOLLARDA SURUNKALI GASTRODUODENAL KASALLIKLARNING “YETAKCHI” XAVF OMIILLARI BILAN BOG‘LIQLIGINI O‘RGANISH

Abstract

So‘nggi yillarda olib borilgan klinik-epidemiologik tadqiqotlar OIV bilan infeksiyalangan aholi orasida surunkali kasalliklarning shakllanishi va rivojlanishida yetakchi xavf omillarining muhim ahamiyatga ega ekanligini ko‘rsatmoqda. OIV-infeksiyasi fonida immun tizimining susayishi, metabolik jarayonlarning buzilishi hamda psixoemotsional omillar surunkali patologiyalarning tezroq rivojlanishi va og‘irroq kechishiga olib keladi. Shu sababli, OIV bilan infeksiyalangan erkak va ayollarda surunkali gastroduodenal kasalliklar rivojlanishiga ta’sir etuvchi asosiy xavf omillarini aniqlash dolzarb muammo hisoblanadi.